ابداع في وصف الخيانه

قصيده للفنان جابر الهايف

الصراحه ابدع بكل معنى من كلمه
وحبيت اشارككم فيها



سبع ساعات أسولف وأتكلم وأستخف دمي
وهي تسمعني وتضحك ومبسوطه على الاخر
سبع ساعات اعلمها عن أحزاني وعن همي
وأسولف عن حكاية طفل كان وصار هالشاعر
سبع ساعات تتساقط حروف الصدق من فمي
على صحرا مسامعها سحاب العشق متناثر
سبع ساعات وتحلفلي براس العشق وتسمي
تقول انت الوحيد الي ملكني حبك الساحر
سبع ساعات ونادتني باسمه ماهو باسمي
تناديني فهد واسمي انا ياللأسف جابر
تشنج كل شي كان حولي ومسمعي يدمي
ركز خنجر فهد في مسمعي من صوتها الخادر
تخدر فكري وجسمي وذاب بداخلي عظمي
وصرت اسمع صدى صوتا يردد غلطة الشاطر
يردد غلظة الشاطر بعشره واقع وحلمي
وترددها زوايا غرفتي والواقع الغادر
كثير اصوات شقت جلدي الي يحتضن عظمي
صراخ الباب والشباك والدولاب والساتر
وونات القلم والدفتر الي يلتفت يمي
وخايف وش ابي اكتب بوسطه من هنا لباكر
وكانت ساكته وصوت النفس من خشمها وخشمي
ربع ساعه وببحة صوت قالت خير وش صاير
وطرى في بالي عبدالله وخالد واحمد ونشمي
والى اخرهم فهد تسعه وانا مدموغها العاشر
وقلت ابدا ما غير الخير ولكن امسحي رقمي
اكيد انه فهد جالس سبع ساعات وهو ناطر
وقالتلي رجاءً او اقولك طير يا عمي
مسوي حضرتك في هالزمان العاشق الطاهر
وقالتلي اقول وقلت انا بأقول وذا علمي
عجب للناس وش هالناس تخطي وبالخطا تكابر
انا يا بنت بأنثرلك حياتي واجمعي لمي
بعضه بأنثره في مسمعك الحين ومن خاطر
ترى عمري انا تسعه وعشرين وكذا رسمي
ولكن عشت ايامي دبلها مقبل وعامر
أصيل وكل اصيل ما يبي مدحي ولا ذمي
وسبع انعام في هالناس اخص الحامد الشاكر
انا من نجد وربعي هم عتيبه وخالي الدحمي
وبرقا لحمي ودمي وانا من روق ومع ناصر
انا جابر ولد هايف وسلمى الطيب هو سلمي
ابوي الي مربيني على الجزلات واتفاخر
انا راعي مجاهيم يشع بفخذها وسمي
وراعي خيل وراعي بير وبيت مبغضه كافر
على الرمضا حبت رجلي بارض عاشقه ضمي
وشمس تشرق وتوقف على راسي وانا صابر
عرق وجهي يصب وامسحه بشماغي وكمي
والد عيوني عن ناس سرقني يمها الناظر
وانا شاعر ولو اكتب عجز كل فكر في نظمي
ولاني بالغرور احكي ولكني واثق وقادر
وانا رجال هاوي للقمم ويقودني عزمي
وابي ارقى على راس الجمل وانتي مع الحادر
عرفتي ليه انا طاهر لأنك همي وغمي
ولأن الدنيا في عيني جب الارقام ونغامر
يا بنت الناس شفتي كيف بلا اي سلاح ما نرمي
ولا نوقف بوجه البندق المليان ونخاطر
خلقنا اللله بشر بعقول ودا واقع وذا وهمي
وكل يتبع مراده وفينا رابح وخاسر
وقالتلي في امان الله اشعلت النار في جسمي
في امان الله يالطاهر ومثلك قله ونادر
ورحت اخذ كتاب الله واحلف بالكتاب امي
لو ان اسمي فهد بالله ما كان احلى من جابر


واتمنى انو تسمعوها من فم الشاعر ما راح تندموا
واتمنى تعجبكم

الله الله الله

تسلم هالانامل اللي ناقلها

مررررررررررره حلوه

ننتظر جديدك ياحلو

عيونك الحلوه ابله اسيل
يسلملي احلى مرور

مررررررررره حمااااااااااسيه

تسلم

وجاري الاستمااااااااع

يسلموووو والله كلام مره حلوو تسلملي يااعسل نستنى جديدك مع تحياتي

اهلين ملوكا
مشكوره يا ابله

اهلين حبيبي الي تحب ملوكا
يسلمو على المرور
ولك عليا تسمع بالاحلى والاقسى

مشكور خيو على الكلام مرررررره حلو بس قاسي

ننتظر جديدك ياغلاي

أحلى مرورابله لسعه
يا ريت الي يمروا كلهم زيك
ولو كانت قاسيه ما اتعلمت القساوه الا من الدنيا